Gler

Innrammarinn býður bæði upp á venjulegt flotgler og glampafrítt gler sem ver myndirnar þínar gegn áhrifum sólarljóss. Einnig er boðið upp á úrval plexiglers sem er bæði rispufrítt og með vörn gegn útfjólubláum geislum (UV).

Almennt er notað 2 mm flotgler við innrömmun en ef um verðmætari verk er að ræða eða muni sem þú vilt varðveita til lengri tíma þá ráðleggjum við notkun á gleri með vörn gegn UV geislum.

UltraVue®

UltraVue® gler hefur sömu eiginleika og önnur tær glampafrí gler frá TruVue. Það er með 65% vörn gegn útfjólubláum geislum og er ljóshúðað til þess að mynda næstum ósýnilega áferð. TruVue hefur einkaleyfi á þeirri sérstöku tækni sem notuð er til þess að stjórna nákvæmri húðun á virkum málm oxíðum ofan á 2 mm tært gler.

Museum Glass®

Museum Glass® frá Tru-Vue® er glampafrítt gler til innrömmunar með vörn gegn útfjólubláum geislum á forvörslustigi. Museum Glass® gler er besti valkosturinn í gleri fyrir listaverk, ljósmyndir og aðra mikilvæga minjagripi. Ásamt nánast ósýnilegri áferð hindrar glerið einnig allt að 99% af skaðlegum útfjólubláum geislum þannig að innrammaðir hlutir haldast skýrari og bjartari í lengri tíma.

Jafnvel ljós á sér dökka hlið

Útfjólublá geislun (UV) getur verið versti óvinur listaverka. Málning, strigi og pappír geta tekið í sig þá orku sem kemur frá ljósi og haft efnafræðilega virkni sem leiðir til þess að verkið gulnar, litir breytast og dofna. Þessi áhrif sjást best á dagblaði sem skilið er eftir í sól og pappírinn verður gulur. Útfjólublá geislun getur einnig stuðlað að því að pappír verði stökkur. Skemmdir af völdum útfjólublárrar geislunar safnast upp með tímanum og eru óafturkræfar.

Það er ekki einungis sólarljós sem gefur frá sér skaðlega geisla – allir ljósgjafar gera það. Halogen ljós og flúrljós gefa þó frá sér meira af UV geislum en önnur ljós eins og til dæmis glóperur og LED ljós.

ISO 97% gæðastaðallinn

Mat á list er huglæg en þegar það kemur að því að vernda listaverk fyrir útfjólubláum geislum (UV) eru bæði staðlar fyrir varðveislu og aðferðir hlutlægir og mælanlegir.

The International Organization of Standardization (ISO) mælir með því að gler sem veitir að minnsta kosti 97% vernd gegn UV geislum sé notað þegar á að varðveita listaverk. ISO er óháð sjálfseignarstofnun sem setur alþjóðlega gæðastaðla.

Hvort sem kaup þín á listaverkum er í þeim tilgangi að fjárfesta eða tilfinningalegs eðlis þá er besta leiðin til að vernda það með því að nota gler sem veitir að minnsta kosti 97% UV vörn.

Hreinsun á glampafríu gleri

Sprautið örlítið af ammoníakfríum glerhreinsi í örtrefjaklút og strjúkið með hringlaga hreyfingu. Strjúkið síðan yfir glerið með þurrum örtrefjaklút til að koma í veg fyrir vatnsför.

Ef örtrefjaklútur er ekki við hendina, notið þá klút sem er ekki úr bómull.

Ekki sprauta glerhreinsi beint á glerið. Glerhreinsir getur smitast inn í rammann og skemmt listaverkið.

Optium Museum Acrylic®

Optium Museum Acrylic® uppfyllir ströngustu staðla. Optium Museum er endingargott og sterkt plexigler sem er framleitt með einkaleyfisvarinni tækni hjá Tru Vue. Sérstök húð kemur í veg fyrir að stöðurafmagn hlaðist upp í plexiglerinu og því festast ekki rykagnir við það auk þess sem það er varið fyrir rispum. Þá er plexiglerið jafnframt með vörn gegn útfjólubláum geislum ljóss. Þessi einstaka tækni Tru Vue tryggir langan endingartíma plexiglersins og vörn gegn oxi og niðurbroti.